Eto ako ngayon. Simula nung matapos tayong nag-usap, ganito ang nararamdaman ko ngayon. Ang akala ko okay na ako. Ang akala ko masaya na ako dahil nagkalinawagan tayo at masaya ako para sa iyo. Masaya ako sa napili mo, at sa plano mong gawin.
Pero habang lumilipas ang araw, napapa-isip ako. Hindi ko maiwasang isipin lahat ng mga nangyari, at yung napag-usapan nating dalawa isang gabi sa YM.
Sobra akong nalito. Dahil iba ang mga pinakita mo sa akin, mga ginawa mo para sa akin, at mga sinabi mo sa akin. At pagkatapos lang ng nangyari sa trip, ibang iba na rin ang pinapakita mo sa akin at mga kinikilos mo.
Totoo, hindi pa rin ako umaasa na lumalim pa ang mga nangyari. Hindi na ako umaasa na may mas hihigit pa doon. Pero ano ang nangyayari ngayon?
Ibang iba ka ngayon.
Pero tama lang rin yon, para matutukan mo maige yung plano.
Kaso, hindi ko pa rin maubos maisip na, ako'y lito.
Nahulog rin ang loob ko sayo. Hindi ko na kailangan pang ikaila. At akala ko, mga munting ginagawa mo para sa akin at mga kinikilos mo sa akin, merong kahit katiting na pagtingin. Hindi ko maisip na, flirt nga lang ba ang lahat? Ganon ka lang ba talaga makipag-flirt? Sumabay naman ako eh, pero ang mga nakita ko sayo, hindi simpleng paglalandi lang yon.
